ACTA APOSTOLICAE SEDIS - vatican.va

1 ACTA APOSTOLICAE SEDIS COMMENTARIUM OFFICIALE AN. ET VOL. LX TYPIS POLYGLOTTIS VATICANIS M-DCCCC-LXVIII An. et yol. LX 31 Ianuarii 1968 N. 1 ACTA APOSTOLICAE SEDIS COMMENTARIUM OFFICIALE Directio: Palazzo Apostolico - Citt del Vaticano Administratio: Libreria Editrice Vaticana ACTA PAULI PP. VI LITTERAE APOSTOLICAE I S. Ioseph Opifex principalis Patronus Ancoragiensis archidioecesis, in regione Alaskana, renuntiatur. PAULUS PP. VI Ad perpetuam rei memoriam.

2 Praestans opificum exemplar in universa catholica Ecclesia recte ac semper est habitus S. Ioseph, castissimae Virginis Mariae Sponsus, idemque divini Pueri Iesu nutri-cius ; sed nemo prorsus ignorat religiosum laetissime cultum novo quo-dam vigore crevisse, postquam Pius Pp. XII, Noster imm. rec. Deces-sor, peculiare in eius honorem sollemne decreverit, ipso agendum die humani operis celebrationi ubique fere gentium praestituto. Laetamur ergo, quod et in Alaskana regione impensam novimus huiusmodi pie-tatem florere ibidemque fideles archidioecesis Ancoragiensis, quam anno superiore per Apostolicam Constitutionem condidimus sedisque metropolitanae iure donavimus, per Venerabilem Fratrem Ioannem Iosephum Th.

3 Ryan in praevalidam tanti Caelitis tutelam sese iam commisisse. Hac enim de re idem Praesul dedit litteras ad Nos, quibus peteret ut hanc electionem ratam haberemus, votum sive cleri sive populi probantes. Nos igitur, qui sacrae cuique dicioni supernum constanter auxilium verique nominis profectum in Domino precamur, libenti animo id esse annuendum censemus. Quapropter ex Sacrae Rituum Congregationis consulto, certa scientia ac matura delibera-6 Acta APOSTOLICAE SEDIS - Commentarium Officiale tione nostra deque APOSTOLICAE potestatis plenitudine, harum Littera-rum vi perpetuumque in modum, Sanctum Ioseph Opificem, Beatissimae Virginis Mariae Sponsum, principalem apud Deum totius Ancoragien-sis archidioecesis caelestem Patronum confirmamus seu constituimus ac declaramus.

4 Omnibus adiectis iuribus ac privilegiis liturgicis, quae sanctis locorum Patronis rite competunt. Contrariis quibusvis nihil obstantibus. Haec edicimus, statuimus, decernentes praesentes Litte-ras firmas, validas atque efficaces iugiter exstare ac permanere; suos-que plenos atque integros effectus sortiri et obtinere; illisque, ad quos spectant seu spectare poterunt, nunc et in posterum plenissime suffra-gari; sicque rite iudicandum esse ac definiendum.

5 Irritumque ex nunc et inane fieri, si quidquam secus, super his, a quovis, auctoritate qua-libet, scienter sive ignoranter attentari contigerit. Datum Romae, apud Sanctum Petrum, sub anulo Piscatoris, die xxviii mensis Aprilis, anno MCMLXVII, Pontificatus Nostri quarto. 6B HAMLETUS I. Card. CICOGNANI a publicis Ecclesiae negotiis II Cathedrale templum dioecesis Nicosiensis, S. Nicolao a Bario dicatum, titulo ac dignitate Basilicae Minoris decoratur.

6 PAULUS PP. VI Ad perpetuam rei memoriam. Dulce quoddam gloriae canticum tutumque pacis refugium stupenti apparuit advenae cathedrale Nico-siae Herbitensis templum, quod, Deo dicatum in honorem caelestis urbis Patroni Nicolai, Episcopi Myrensis, ipsa magnificentia ac pulchritu-dine sua christianae fidei vigorem ingenuarumque artium splendorem simul declarare videtur. Pertinet enim ad mediam, quam vocant, aeta-tem, cuius multa ac manifesta vestigia praefert, adeo ut sive extra sive intus aspicias, admirandum sane opus proprio id vocabulo nomines.

7 Primariae frontis porta, peristylium versum in forum, proxim que turris in coni formam fastigata ad illud exstruendi genus, quod tum in insula Sicilia floruit, effecta sunt doctorumque iudicio in arcubus, in columnis, in figuris probantur quam maxime. Neque minoris sunt ea existimanda, quae ipsum templum continet, tametsi saeculis insequen-Acta Pauli Pp. VI 7 tibus tribuuntur. Nam ala media, quae sedecim Dorici ordinis colum-nis innititur, una cum pavimento atque concameratione decorum quid-dam exhibet oculis; imagines deinde a summis artificibus et in parie-tibus et in tabulis depictae, sculpturae e ligno et anaglypta (ex quibus Christi Domini morientis signum est memorandum), minora sacella amplo ibidem ornamento sunt.

8 Praeterea insignes sanctorum virorum ac martyrum reliquiae, argentea vasa, sacrae vestes ceteraque supellex templi thesaurum efficiunt. His profecto de causis quae ecclesia prin-cipem antea locum in urbe tenuerat atque paroecialis et collegialis aedis honorem erat assecuta, eadem, cum Pius Pp. VII, Noster fel. rec. Decessor, Nicosiensem dioecesim constituit, tamquam cathedralis est renuntiata. Ex quo tempore quia centum quinquaginta anni iam sunt revoluti, Venerabilis Frater Constantinus Trapani, sacrorum Anti-stes, votum quoque cathedralis Canonicorum collegii, universi cleri omniumque fidelium patefaciens, Nos adiit, ut insigni pietatis et artis domicilio Basilicae Minoris titulum exposceret.

9 Quibus precibus libenti animo obsecundantes, Nos ex Sacrae Rituum Congregationis consulto, certa scientia ac matura deliberatione nostra deque APOSTOLICAE pote-statis plenitudine, harum Litterarum vi perpetuumque in modum, ca-thedralem ecclesiam dioecesis Nicosiensis, Deo in honorem S. Nicolai a Bario dicatam, titulo ac dignitate Basilicae Minoris condecoramus, omnibus adiectis iuribus et privilegiis liturgicis, quae templis, eodem nomine insignibus, rite competunt.

10 Contrariis quibusvis nihil obstan-tibus. Haec edicimus, statuimus, decernentes praesentes Litteras fir-mas, validas atque efficaces iugiter exstare ac permanere ; suosque plenos atque integros effectus sortiri et obtinere ; illisque, ad quos spec-tant seu spectare poterunt, nunc et in posterum plenissime suffragari; sicque rite iudicandum esse ac definiendum; irritumque ex nunc et inane fieri, si quidquam secus, super his, a quovis, auctoritate qualibet, scienter sive ignoranter attentari contigerit.